أغاني وعتابا وهلاهيل

 

ما يقال على العروس:

يا ست يا وردة  يا جبنة بتتعصّر		يا صحن قيمق مرشوش عليه سكر
اللي معو مال ياخذ مثلك و أحسن		واللي ما معو مال يتطلع ويتحسر
إحنا بنات العرب ما نركب إلا خيل		نلبس محشّى ونرمي كمامنا للذيل
إش هالمخوّث يدق أبوابنا بالليل		نسّيب حريمو واندوسو بنعول الخيل
شعرك هالطويل هيني على هيني		شعرك هالطويل دوار الطواحيني
يا محلى الطاحون لا دارت حجرها		تسقي حمام المسرْوَل بالبساتيني
بالمال بالمال يا ابن العم بالمالِ		نيّخ اجمالك وهات الصاع واكتالِ
ونحنا بنات العم ما ناخذ رذالي		ما ناخذ  إلا وْلَيد العم  والخالِ
شفت (علي ) طالع من الحمّام عصرية		كفّو محنّا وحجرةْ خاتمو غيّة
ما قلتلِك يا خيتو لاقيلو بقنية		رشّي على (اسم العريس) ورد زهيرية
شعرك هالطويل ما أحلى النوم بظلو		يحرم عليي الشتا والصيف أنا حلّو
ويروح بيّك للباشا ويقلوا		حبّة من السمرة تسوى عسكرك كلو

 

 

 

ما يقال على العريس:

عريس عريس ثقّل خاتمك بيدك		والكرم كرمك واللولو عناقيدك
دعيت رب السما يعطيك ويزيدك		أنت شيخ العرب كل الناس تحت إيدك
بيني وبينك طويقة قد فم الكاس		بيني و بينك حكي وش وَصّلو للناس
والرمل ما ينعجن والشوك ما ينداس		والسر ما ينعطى إلا لناس وناس
يا حلاق احلقلو لا تجور عليه		هذا (طارق) خيي اسم الله عليه
جبتلو البيتون بيش إنْ كان يكون		والبسْ يا عينيي لأتفرج عليك
جبتلو المزوية بألف وخمس مية		والبس يا عينيي عين الله عليك
جبتلو القبقاب من عند الخشاب		والبس يا حباب لأتفرج عليك
جبتلو القميص من قبة ادريس		والبس يا عريس لأتفرج عليك
جبتلو العقال بألف ومية ريال		والبس يا خيّال لأتفرج عليك
سنّ الشـّلفة واحميـهـا		وللنــذلْ لا تـعـطيـها
واعْطــيهـا لـهـالعـريسْ		بِـقلـب  العِـدا  يعدّيـها
دق الرمـحْ بـراس العــينْ		وانتــو يا شـبابْ منـينْ
نحنــا ربعــكْ يالْعَريـسْ		والنعـــمْ والنعمتـيـنْ
شـدّولو عرقاب النـوقْ		ومـا عـزّ إلاّ عـزّ الخيـلْ
نحنــا رَبـْـعَكْ يا الْعَريـسْ		دحـّـام العِــدا بالليـلْ

من العتابا

على المورد شربنا الماي براحات		ومضينا مع الحلوين راحات
أيام المضن يا ابن أبوي راحت		وما أظن تعود واحنا بالحياة
أسافي يا عمر رايح ضياعين		اليمين وما غلي عليكم حدا
مشرد بالبراري والضياعين		أنتم يا أحبابي ضو عين
يا جابر جبّر المكسور صبرا		مريض وكيف أنام الليل صبرا
ترى جور الليالي يريد صبرا		صبرنا على المقدر لا مضى
تهيمني منازلهم والفراق		عسى ما ذقت لوعتهم و الفراق
حزن الطال يا ابن أمي والفراق		مصيبتي والعدو بيي اشتفا
أبات الليل أضم الجرح وأرثي		على اللي ما لهم بالحي ورثي
كم دار دعاها البين ورثة		بعد ما بهرج  للضحى
أبات الليل كني باسم حاي		معضض والجروح اليوم حية
كل ما لفى طارش قمت أحيي		هلا بالغايبين إلهم ثنى
أنا لأرسل سلامي للسلوناي		سلو العود بقشورو سلوناي
كل الخلق ما يسلوني عنهم		ولا يطفّو نار قلبي واللهب
مد الندى وأصبح بلا ماي شبه		ورد الشبر يزهي بلا ماي
شهر تموز مضيتو بلو ماي		كشف كبدي عفراق الحباب
ثلاث نوبات أجي للدار ما ألقاك		غرض ما لي أريد الشوف ما ألقاك
أجي لفرقاك م أسخى لفرقاك		خصيمو الله من كان السبب
تنام الناس  وعيوني ما نامات		ترى الموعود وعيونو ما نامات
مدّينا الفرش وهيّرنا المنامات		طليع الضو وما بيّن حدا
عيوني ما تنام الليل ساعة		ولا يجيها النوم ساعة
وليفي لو يطلبني كل ساعة		على قلبي ألذ من الشراب
حلو يا مخضب الكفين بلحان		وخطماتك علينا اليوم بلحان
دعوني كما الناعور بلحان		شتا وصيف ما تبطل انحاب

 

من الأغاني الشعبية

ونْ هلْهـلْـتـي هلْهلْنالـِكْ		ثوّرنـا البـارود  قبـالكْ
والعفـن الما هو من رجالـكْ		يرحل ما نريد يقـابلنــا
ونْ هلْهـلْـتـي يامْ دُراعـةْ		ما ندري الموتْ  بأي ساعةْ
ونْ هلْهـلْـتـي يـا عمتـنا		نحنـا الشـباب بلمتـنـا
ونْ هلْهـلْـتـي يا  سوريّـة		الواحد منّـا  يقابل  ميـّةْ
ويـا عجي يا ابـن المقـرودةْ		بيـع أمك واشري البارودةْ
والبارودة خـير من أمــكْ		عند الحربْ  بتكشف همّكْ
ولا تهـزوا هــا لليمونـةْ		إن هـزيتوهـا بترمونـي
هـاي الفرحـةْ  للعريـسْ		هوي أغـلى  من عيونـي
ولا تهـزوا هــا لليمونـةْ		إن هـزيتوهـا بترمونـي
وبكـرةْ بنجـوزْ فــلانْ		وكلّـكو تـاعوا هنّونـي
غابتْ الشمسْ يا ابنْ شعــلانْ		واريـدْ  ادور معازيـبـي
والـدّلـةْ تسكب على الفنجانْ		وبهـارِهـا جوزة الطّيـبِ
بـبوري يـا حيّ الله  ببــورْ		ببــوري عَ الشام بيوديني
وانـا عَ فراق الوِلِف مَـقهورْ		يـا مينـو بعدو  بيسليـني
ويـا عمّـي ويا قايد النّـاقـةْ		حطّ الخرج واردف الزيني
والبنت لـو كانتْ  عشّــاقة		تنعرف مِـن غمـزة العيني